भदौ २८, बाग्लुङ ।
बागलुङको गलकोटमा पीकअप दुर्घटना हुँदा रुकुम पूर्वको पुथा उत्तरगंगा गाउँपालिकाकी उपाध्यक्षको मृत्यु भएको छ ।
दुर्घटनामा गाउँपालिका उपाध्यक्ष ३३ वर्षीया भुपेन्द्रा बुढाको मृत्यु भएको जिल्ला प्रहरी कार्यालय बाग्लुङले जनाएको छ ।
आज विहान पुथा उत्तरगंगा गाउँपालिकाको रा १ ज २०० नम्बर को पिकअप जिप दुर्घटना ग्रस्त अवस्थामा भेटिएको थियो । दुर्घटनास्थलमा दुई महिला र एक पुरुषको मृत्यु भएको छ भने सवारी चालक भुमे गाउँपालिका ३ का २९ वर्षीय प्रेमबहादुर पुन घाइते भएका छन् । घाइते पुनको धौलागिरी अस्पताल बागलुङमा उपचार भइरहेको छ ।