मंसिर २४ सावित्रा पौडेल, अर्घाखाँचीको शितगंगा नगरपालिकामा ट्रक दुर्घटना हुँदा एक जनाको मृत्यु भएको छ ।
शनिबार साँझ महेन्द्र राजमार्गको शितगंगा ८ सातमारामा राप्ति पुल नजिकै ना ६ ख २७३९ नम्बरको ट्रक अनियन्त्रित भई दुर्घटना भएको प्रहरीले जनाएको छ।
मृत्यु हुनेमा रुपन्देही जिल्ला देवदेह नगरपालिका- ४ बस्ने मनोज कुमार शाक्य रहेका छन् । दुर्घटनामा नवलपरासी (पश्चिम) रामग्राम नगरपालिका- १८ का ३१ वर्षिय संजयकुमार चौधरी घाइते छन् ।
उनी सोही ट्रकका चालक हुन् । उनको उपचार भइरहेको प्रहरीले जनाएको छ।