साबित्रा पौडेल, भाद्र १४ गुल्मी।
चन्द्रकोट गाउँपालिका ८ गेखुङ्ग गुल्मीमा खुल्ला तथा स्टेज तीज गीत/ नृत्य प्रतियोगिता हुने भएको छ ।
एक्टिभ युथ क्लब चन्द्रकोट गाउँपालिका ८ तुराङ्ग गेखुङ्ग
गुल्मीको आयोजनामा बृहत खुल्ला तथा स्टेज तीज गीत/नृत्य प्रतियोगिता, एकल बाल नृत्य प्रतियोगिता, म्युजिकल चेयर, तातो आलु प्रतियोगिता लगायत विविध प्रतियोगिताहरु हुने भएका छन्।
खुल्ला तथा स्टेज तीज गीत प्रतियोगितातर्फ प्रथम हुनेलाई नगद रु २३,००० र प्रमाणपत्र तथा द्वितीय हुनेलाई नगद रु १३,००० र प्रमाणपत्र प्रदान गरिनेछ।
यस्तै प्रतियोगितामा तृतीय हुनेलाई नगद ८,००० र सान्त्वना हुनेलाई नगद ४,००० तथा प्रमाणपत्र प्रदान गरिने कार्यक्रम संयोजक अर्जुन पौडेलले जानकारी दिनुभयो।
एकल बाल नृत्य प्रतियोगितातर्फ प्रथम हुनेलाई नगद रु ६०००, द्वितीय हुनेलाई नगद रु ४०००, तृतीय हुनेलाई नगद रु २००० र सान्त्वना हुनेलाई नगद रु १००० तथा प्रमाणपत्र प्रदान गरिने उहाँको भनाइ छ।
यसैबीच म्युजिक चेयर र तातो आलु प्रतियोगितातर्फ प्रथम हुनेलाई नगद रु २००० प्रदान गरिने क्लबका अध्यक्ष बाबु बस्नेतले बताउनुभयो ।
प्रतियोगिता भदौ १५ गते शनिबार बिहान ९ बजेदेखि गेखुङ्ग खेलमैदानको प्राङ्गणमा हुनेछ।
गीत तथा नृत्य मौलिकता झल्कने खालको हुनुपर्ने जनाइएको छ ।
यस्तै एकल बाल नृत्य प्रतियोगितामा प्रतियोगीको उमेर १५ वर्ष ननाघेको हुनुपर्ने क्लबका अध्यक्ष बस्नेतले बताउनुभयो।
यसैबीच वृद्धवृद्धा तथा बाल पञ्चेबाजालाई सम्मान गरिनेछ ।