साबित्रा पौडेल , माघ १४ गुल्मी ।
गुल्मीको चन्द्रकोट गाउँपालिकामा २ दिने आँखा अप्रेसन शिविर संचालन हुने भएको छ ।
चन्द्रकोट गाँउपालिका गुल्मीको आयोजना तथा नेपाल नेत्रज्योति संघ, जिल्ला आँखा उपचार तथा शल्यक्रिया केन्द्र, शान्तिपूर आँखा उपचार केन्द्र शान्तिपुरको प्राविधिक सहयोगमा दुई दिने आँखा शिविर हुन लागेको हो ।
आँखा अप्रेसन शिविर यहीँ माघ २१ र २२ गते दुई दिन चन्द्रकोट गाउँपालिकामा संचालन हुनेछ ।
शिविरमा मोतिया विन्दुको उपचार निशुल्क एवं औषधि तथा चस्माको न्युनतम शुल्क लाग्नेछ ।
साथै प्रत्येक महिनाको ११ र १२ गते जिल्ला आँखा उपचार केन्द्र तम्घासमा मोतिया विन्दुको अप्रेसन संचालन हुँदै आएको छ ।