बैशाख १२ , गुल्मी ।
गुल्मीको रुरुक्षेत्र गाउँपालिका वडा नं १,२ र ३ को जंगलमा लागेको आगो अझै नियन्त्रणमा आउन सकेको छैन । तर बस्तीतर्फ लागेको आगो गएराती १२ बजे नियन्त्रणमा आएको रिडीका वडाध्यक्ष नवराज विकले बताउनुभयो ।
बस्तीमा लागेको आगो स्थानीय , जनप्रतिनिधि , सुरक्षाकर्मी लगायतको सहयोगमा आगो नियन्त्रणमा ल्याउन सफल भएको उहाँको भनाइ छ ।
जंगलको आगो दिउँसो नियन्त्रण गरिने रिडीका बुद्धिजिवी चिरञ्जिवी ज्ञवालिले बताउनुभयो । जंगलमा लागेको आगो निभ्याउनका लागी ट्याङ्करहरु तयारी अवस्थामा रहेको उहाँले बताउनुभयो ।
यसैबीच गुल्मीकै गुल्मीदरबार गाउँपालिका वडा नं ७ स्यालपानी , भतेरपाटा नजिकै ढेगाखर्क क्षेत्रको बस्तीमा आगो नियन्त्रणमा आएको छ भने जंगलमा लागेको आगो भने नियन्त्रणमा आउन सकेको छैन ।