बैशाख ११ , गुल्मी ।
गुल्मीको रुरुक्षेत्र गाउँपालिका १ को जंगलमा भीषण आगलागी भएको छ ।
रुरुक्षेत्र गाउँपालिका १ बाट सल्केको आगो यतिबेला वडा न ३ थोर्गातर्फ लम्किरहेको रिडीका वडाध्यक्ष नवराज विकले जानकारी दिनुभयो ।
आगो आज बिहान करिब ८ बजेबाट बर्दबास भन्दा केहि तलबाट सल्किएको हो ।
आगो अहिले चिउरेखको बस्ति हुँदै स्यालपोखरी तथा स्यालपोखरी हुँदै थानापती तर्फ आगो लागिरहेको समाजसेवी चिरञ्जीवी ज्ञवालीले जानकारी दिनुभयो ।
यतिबेला आगो नियन्त्रणका लागि स्थानीय , जनप्रतिनिधि तथा बुद्धिजीवीहरु जुटेका छन ।
चिउरेख , ठुलापोखरा र स्यालपोखरीका बस्ती जल्नबाट बचेका छन भने आगो अझै नियन्त्रणमा आएको छैन ।
आगो अहिले रातमाटाको आसपासमा आइपुगेको र त्यस क्षेत्रका बस्ति जोखिममा रहेको हुनाले नजिक रहनुहुने सम्पुर्णमा नियन्त्रणमा जुटिदिनुहुन अनुरोध गर्दछौ ।।