साबित्रा पौडेल, भदौ २९ गुल्मी।
खोलाले बगाउँदा पाल्पामा एकजनाको ज्यान गएको छ।
जिल्लाको माथागढी गाउँपालिका ५ शेर्काबासस्थित झुक्सा खोलाले बगाउँदा तिनाउ गाउँपालिका ४ गिजन चौरका ५३ वर्षीय शेरबहादुर चौहानको ज्यान गएको जिल्ला प्रहरी कार्यालय पाल्पाले जनाएको छ ।
चौहान शुक्रबार दिउँसो झुक्सा खोला तर्ने क्रममा खोलाले बगाउँदा बेपत्ता हुनुभएको थियो।
बेपत्ता उहाँको सब १५० मिटर तल भेटिएको पाल्पा प्रहरीले जनाएको छ ।
घटनाका बारेमा थप अनुसन्धान भइरहेको जिल्ला प्रहरी कार्यालय पाल्पाका प्रहरी नायब उपरीक्षक सुगन्ध श्रेष्ठले जानकारी दिनुभयो।