साबित्रा पौडेल, मंसिर २५ गुल्मी।
साजपुर आधारभुत बिधालय ठुलोलुम्पेक गुल्मीको ५० औं स्वर्ण महोत्सव तथा अभिभावक दिवसको अवसर पारी कुटडाँडामा “क्षितिज भलिवल कप २०८०” हुने भएको छ।
क्षितिज युवा समुह सत्यवती गाउँपालिका ३ ठुलोलुम्पेक कुटडाँडा गुल्मीको आयोजनामा क्षितिज भलिवल कप हुने भएको हो।
बिधालयको स्वर्ण महोत्सवको अवसर पारी यहीँ पुष २ गतेदेखी पुष ८ गतेसम्म हुने भलिवल कपको लागी यहीँ पुष १ गते सम्ममा टिमदर्ता गराईसक्नु पर्ने आयोजकले जनाएको छ।
भलिवल प्रतियोगितामा पुरुष भलिवल प्रतियोगिता, महिला भलिवल प्रतियोगिता, भेट्रान्स प्रतियोगिता लगायत विविध कार्यक्रमहरु हुने छन।
पुरुष भलिवल प्रतियोगितामा बिजेता टिमले नगद ४०,००० सहित शिल्ड, मेडल र प्रमाणपत्र तथा उपबिजेताले नगद २२,००० को साथमा शिल्ड,मेडल र प्रमाणपत्र प्राप्त गर्नेछन। भने सान्त्वना हुने समुहले आकर्षक पुरस्कारका साथै मेडल र प्रमाणपत्र पाउनेछन।
यस्तै महिला भलिवल प्रतियोगितातर्फ बिजेताललाई नगद १५,००० र उपबिजेतालाई नगद १०,०० सहित शिल्ड, मेडल र प्रमाणपत्र तथा सान्त्वना हुनेलाई आकर्षक पुरस्कारका साथै मेडल र प्रमाणपत्र प्रदान गरिने आयोजकले जनाएको छ।
भेट्रान्स प्रतियोगितामा बिजेता समुहले नगद १५,००० को साथमा प्रमाणपत्र पाउनेछन।
यसैबिच, विधागततर्फ उत्कृष्ट तथा अनुशासित खेलाडीहरुलाई पनि पुरस्कार प्रदान गरिनेछ।
प्रतियोगिता साविक वडा स्तरिय हुने र FIVB को नियमा अनुसार खेलाईने आयोजकले जनाएको छ।
