भुवन भुसाल, गुल्मी – गुल्मीको चन्द्रकोट ७ रुपाकोटमा नवाह यज्ञ हुने भएको छ । बडा दशैंको नवदुर्गाको अवसर पारेर यज्ञ गर्न लागिएको आयोजकले बताएको छ । यहीँ असोज २८ गते घटस्थापनाको दिन देखि सुरु हुने बताईएको छ ।
नवाह यज्ञमा आचार्य पण्डित धनञ्जय भण्डारीले कथा वाचन गर्नुहुनेछ । नवाह यज्ञ अवधिभर पाठपारायण, रुद्राभिषेक, वेदपाठपारायण, सप्तशती (चण्डी) पाठ, ग्रहशान्ती, दुर्गा पुजा, जाप हवन, कन्यापुजन लगायतका कार्यक्रम आयोजना गरिएको छ ।
महालक्ष्मी देवी देउराली मन्दिर चन्द्रकोट ७ रुपाकोटमा हुने यज्ञको प्रचारप्रसारको कामलाई तिब्रता दिईएको छ ।