दिपा पन्थ, पौष २२ गुल्मी।
गुल्मीको छत्रकोट गाउँपालिका स्वास्थ्य शाखाको आयोजनामा पौष २४ गते मंगलबार महिलाहरुका लागि स्वास्थ्य शिविर संचालन हुने भएको छ ।
विभिन्न विशेषज्ञ डाक्टरहरुबाट महिलाहरुका लागि पाठेघरको मुखको क्यान्सर स्क्रिनीङ्ग सेवा, पाठेघर खसेका महिलाहरुको लागि नि:शुल्क रिङ पेसरी सेवा, लामो समयको गर्भान्तरका लागि आई.यु.सि.डि तथा इम्प्लान्ट र महिलाहरुका लागि डाक्टर द्वारा नि:शुल्क जाँच तथा भिडियो एक्सरे लगायत सेवा शिविरमा उपलब्ध हुने स्वास्थ्य शाखा प्रमुख श्याम सुन्दर पोखरेलले जानकारी दिनुभयो ।
शिविर गाउँपालिकाको वडा नम्बर २ पल्लिकोट स्वास्थ्य चौकीमा २४ गते बिहान १० बजे देखि ४ बजे सम्म संचालन हुनेछ ।
सम्बन्धित महिलाहरुले शिविरमा उपस्थित भई सेवा लिन सक्ने स्वास्थ्य शाखा प्रमुख पोखरेलले जानकारी दिनुभयो ।
