पौष २२/दिपा पन्थ
श्रृङ्गा जनता माध्यमिक विद्यालयका पूर्व विद्यार्थी श्रीधर कंडेलले श्रृङ्गा जनता मा. विका विद्यार्थीहरुलाई २२ सेट जर्सी वितरण गर्नुभएको छ ।
छत्रकोट४ श्रृङ्गा काभ्रेपोखरा निवासी कंडेलले छत्रकोट गाउँपालिका स्तरीय छैठौं राष्ट्रपति रनिङ शील्ड प्रतियोगितामा सहभागी हुने यस विद्यालयका खेलाडी विद्यार्थीहरुलाई सफलताको शुभकामना सहित २२ सेट जर्सी प्रदान गर्नुभएको हो ।
विद्यालय व्यवस्थापन समिति र शिक्षक अभिभावक संघका पदाधिकारीहरुको उपस्थितिमा वहाँको आमा-बाबु खिमलाल कंडेल र गीता कंडेल द्वारा विद्यालयलाई जर्सी हस्तान्तरण गर्नुभएको थियोे ।
साथै विद्यालयका प्रधानाध्यापक बिकास चन्द्र खरेलले सहयोगी मनका श्रीधर कंडेल लगायत सपरिवारलाई विद्यालयको तर्फबाट धन्यवाद एवम् पारिवारिक समुन्नतिको हार्दिक शुभकामना व्यक्त गर्नुभएको थियोे ।
यसै बिच बिद्यालय व्यवस्थापन समिती अध्यक्ष्य राम चन्द्र कंडेलले खेलमा बिद्यार्थीलाई उत्साह दिने उद्देश्यले जर्सी उपलब्ध गराउने पूर्व विद्यार्थी कंडेल प्रती आभार प्रकट गर्नुभएको थियो ।