बागलुङको बडिगाड गाउँपालिका–९ दर्लिङ खोलामा पहिरोले घर पुरिँदा एक जनाको ज्यान गएको छ । भीमगोठमा रहेको इलाका प्रहरी कार्यालयका अनुसार पहिरोमा परी १५ वर्षीय विधान परियारको ज्यान गएको हो ।
यस्तै बडिगाड–१० आरुपाटामा जोगलाल बुढाको घर र गोठ पुरिँदा तीन जना बेपत्ता भएका छन् । जोगलाल बुढाकी श्रीमती र दुई छोरी बेपत्ता भएका बाग्लुङका सहायक प्रमुख जिल्ला अधिकारी चित्राङ्गत बरालले जानकारी दिनुभयो ।