फागुन २३ , गुल्मी ।
पाल्पाको तानसेनबाट गुल्मीतर्फ आउँदै गरेको ट्रक दुर्घटना हुँदा दुई जना घाइते भएका छन् ।
तानसेन–तम्घास सडकखण्डको रिव्दीकोट–२, जोर्तेमा आज ( बुधबार) दिउँसो लु २ ख ५६२५ नम्बरको ट्रक (ट्रेलर) दुर्घटना हुँदा चालक र सहचालक घाइते भएको जिल्ला प्रहरी कार्यालय पाल्पाले जनाएको छ ।
घाइते हुनेमा दाङ जिल्ला राप्ती गाउँपालिका–३ बस्ने वीरेन्द्र घर्तीमगर र सोही स्थानका झविन्द्र पाण्डे रहेका छन । उनिहरु दुवै जनाको तानसेनस्थित मिसन अस्पतालमा उपचार भइरहेको छ ।
घाइतेमध्ये एकजनाको अवस्था गम्भीर रहेको अस्पतालले जनाएको छ ।
उक्त ट्रक सिमेन्टका बोरा बोकेर अर्गलीतर्फ गइरहेको बेलामा अनियन्त्रित भई दुर्घटनामा परेका जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठले जानकारी दिनुभयो ।