साबित्रा पौडेल, मंसिर १९ गुल्मी।
नेकपा एमालेका अध्यक्ष तथा पुर्व प्रधानमन्त्री केपी शर्मा ओली भोली गुल्मीको वामिटक्सारमा आउनुहुने भएको छ। “समृद्धिका लागि संकल्प यात्रा” अन्तर्गत वैतडीको झुँलाघाटदेखी पाँचथरको चिवाभन्ज्याङ सम्मको यात्राको कार्यक्रमको शिलसिलामा मंसिर २० गते (बुधबार) गुल्मीको मुसिकोट नगरपालिका वामीटक्सारमा हुने बिशाल सभामा सम्बोधन गर्न आउनुहुने भएको हो।
आइतबार नेकपा एमाले गुल्मीले एमाले अध्यक्ष ओली आउने जानकारी दिएको थियो। वामीटक्सारमा हुने कार्यक्रममा जिल्लाका १२ वटै स्थानीय तहबाट एमाले पार्टीका नेता कार्यकर्ताको उत्साह पूर्ण सहभागिता हुने नेकपा एमाले गुल्मीका पार्टी अध्यक्ष बालसिंह काउछाले बताउनुभयो।
केन्द्रिय अध्यक्ष ओली सहितका नेताहरुले सो सभालाई सम्बोधन गर्ने कार्यक्रम रहेको अध्यक्ष काउछाले जानकारी दिए । सो सभामा १० हजार बढी अगुवा नेता कार्यकर्ता उतार्ने गरी एमालेले तयारी गरेको काउछाले बताउनुभयो।