माघ २० , अर्घाखाँची ।
अर्घाखाँचीकाे भुमिकास्थान नगरपालिका २ उपल्लो ढाकाबाङमा लु १ ज १६७९ नम्बरको जिप दुर्घटना भएको छ ।
दुर्घटनामा परि दुई जनाको घटनास्थलमैं मृत्युु भएको छ भने थप २ जना घाइते भएका छन ।
देउराली यातायात अर्घाखाँचीकाे सवारी जिप दुर्घटनामा परेको हो ।
शनिवार (आज) बिहान करिब ६:३० बजे तिर ढाकावाङ्गबाट सन्धिखर्कका लागि छुटेको गाडि केही समय हिडेर बिच बाटोमा गाडि न्यूटलमा स्टार्ट छाडेर ड्राइभर पसलमा गएको बेला गाडि दुर्घटना भएको र गाडि करिब २०० मिटर तल झरेको स्थानीयले बताएका छन्।
मृत्यु हुनेमा भूमिकास्थान २ का देवा बेल्बासे र सन्धिखर्कका डेमकला बेल्बासे रहेको जिल्ला प्रहरी कार्यालयले जनाएको छ ।
यस्तै पणेना-१ का कपिला खनाल पोख्रेल र सर्मिक पोख्रेल घाइते भएको र घाइतकाे अवस्था सामान्य रहेको र उपचारका लागि सन्धिखर्क पठाईएको छ।
घटनाबारे थप विवरण आउन बाकी रहेको छ ।