साबित्रा पौडेल, फागुन २१ गुल्मी ।
गुल्मीको गुल्मीदरबार गाउँपालिकाले ११४ औ अन्तराष्ट्रिय महिला दिवसको अवसरमा विविध कार्यक्रम तथा प्रतियोगिताको आयोजना गरेको छ ।
गाउँपालिकाको आर्थिक बर्ष २०७९/०८० को बार्षिक स्वीकृत कार्यक्रम अनुसार ११४ औं अन्तरास्ट्रिय महिला दिवसको अवसरमा गाउँपालिका भित्रका महिलाहरूलाई लक्षित गर्दै गाउँपालिकाले एक दिने विविध कार्यक्रम तथा प्रतियोगिता आयोजना गरेको गाउँपालिकाले जनाएको छ ।
गाउँपालिकाको आयोजनामा यहीँ फागुन २३ गते म्युजिकल चेयर प्रतियोगिता , बेलून फुटाउने खेल प्रतियोगिता , घैटो फोर प्रतियोगिता , कला प्रदर्शन कार्यक्रम लगायत विविध सांस्कृतिक कार्यक्रम हुने छन ।
म्युजिकल चेयर तथा बेलून फुटाउने प्रतियोगितामा प्रथम ,द्दितिय र तृतीय हुनेले नगद २ ,००० , नगद १,५०० र नगद १,००० पाउनेछन् ।
भने घैटो फोर प्रतियोगितामा विजेता हुनेले नगद २,००० प्राप्त गर्नेछन् ।
