साबित्रा पौडेल , माघ १० गुल्मी ।
गुल्मीको छत्रकोट गाउँपालिकाले महिलाहरूको लागी १ महिने हलुका सवारी ड्राईभिङ्ग तालिम र पुरुषहरूको लागी १ महिने सैलुन (कपाल काट्ने) तालीम नि:शुल्क दिने भएको छ ।
गाउँपालिकको आर्थिक बर्ष २०८०/०८१ को बार्षिक स्वीकृत कार्यक्रमअनुसार गरिबी निवारणका लागि लघु उद्यम विकास कार्यक्रम अन्तर्गत मेडपाको मेड मोडेल अनुसार लक्षित बर्गका नागरिकलाई नि:शुल्क तालिम दिने भएको हो ।
१ महिने हलुका ड्राईभिङ्ग र कपाल काट्ने तालिम संचालन हुने भएकोले योग्यता पुगेका इच्छुक महिला तथा पुरुष हरुले यहीँ माघ १४ गते कार्यालय समय भित्र निवेदन पेश गर्न सक्नेछन ।
नि:शुल्क हलुका सवारी ड्राईभिङ्ग तालिम १२ जना महिलालाई र नि:शुल्क सैलुन तालिम ७ जना पुरुषलाई प्रदान गरिने गाउँपालिकाले जनाएको छ ।
