साबित्रा पौडेल, पौष २२ गुल्मी ।
गुल्मीको छत्रकोट गाउँपालिका मा गाउँसभाको १६ औं हिउँदे अधिवेशनको प्रथम बैठक यहीँ पुस २७ गते बस्ने भएको छ ।
गाउँकार्यपालिकाको यहीँ पुस १२ गते बसेको बैठकको निर्णय अनुसार गाउँसभाको १६ औं हिउँदे अधिवेशनको प्रथम बैठक लुम्बिनी प्रदेशको गाउँसभा/नगरसभा कार्यवधी, २०७४ को दफा ३ को उपदफा ८ (३) तथा छत्रकोट गाउँपालिका गाउँसभा संचालन कार्यवधी, २०७४ को दफा ३ को उपदफा १ बमोजिम बैठक बस्न लागेको गाउँपालिका द्वारा जारी सुचनामा उल्लेख छ ।
बैठक पुस २७ गते गाउँपालिकाको सभाहल चोयगामा दिउँसो १ बजेदेखि सुरु हुने गाउँपालिकाका प्रमुख प्रशासकीय अधिकृत वीर बहादुर पुनले बताउनुभयो ।
बैठकमा विभिन्न ऐन कानुन, कार्यविधि,योजना संशोधन तथा रकमान्तर सम्बन्धि पेश तथा छलफल हुने भएकाले सम्पुर्ण वडाका अध्यक्ष, कार्यपालिका सदस्य , वडा सदस्य तथा सम्पुर्ण गाउँपालिकाका कर्मचारीलाई उपस्थिति भईदिन समेत गाउँपालिकाले आग्रह गरेको छ ।
