साबित्रा पौडेल, मंसिर १३ गुल्मी।
सुनको भाउ लगातार बढिरहेको छ।
सुनको भाउ आज एकै दिन १ हजार ६ सय रुपैयाले बढेर तोलामा एक लाख १९ हजार तीन सय रुपैयाँ पुगेको छ।
नेपाली बजारमा सुनको यो मूल्य अहिले सम्मकै उच्च हो। अन्तर्राष्ट्रिय बजारमा नै सुनको भाउ बढेकाले नेपाली बजारमा पनि भाउ बढेको नेपाल सुन चाँदी व्यवसायी महासङ्घका अध्यक्ष माणिकरत्न शाक्यले बताउनुभयो ।
हिजो सुन तोलामा एक लाख १७ हजार ७ सय रुपैयाँ थियो ।
यस्तै आज चाँदीको मूल्य पनि बढेको छ। हिजो स्थिर रहेको चाँदीको मूल्य आज २० रुपैयाले बढेर अहिलेसम्मकै महँगो अर्थात तोलामा एक हजार ५ सय २० रुपैयाँ पुगेको छ ।