साबित्रा पौडेल, पौष १२ गुल्मी ।
गुल्मीको गुल्मीदरबार गाउँपालिका १ बलिथुममा एक बालक ८ दिनदेखी बेपत्ता भएका छन।
स्थानिय तेजमान खड्काका १५ वर्षीय छोरा अमित खड्का यहीँ पौष ३ गते आफ्नै घरदेखी हराएका पारिवारिक स्रोतले जनाएको छ ।
उनले पौष ३ गते घर नजिकैको बारी बाट एक भारी दाउरा समेत लिएर आएको र हंसिया, नाम्लो, डोको घरमै राखेको र आफुहरुलाई केही पनि थाहा नदिई घर छाडेर हिंडेको बेपत्ता बालकका बुवाले बताउनुभयो।
उहाले ज्याला मजदुरी गरेर परिवार पाल्दै आउनुभएको छ ।
उनलाई चारैतिर खोजेको र अहिले सम्म फेला नपारेको पनि उहाँले बताउनुभयो । उनले हल्का हरियो सुरवाल र नीलो हुद्दी लगाएको पनि परिवारले जनाएको छ ।
साथै उनलाई कसैले कहीँ कतै देखे नजिकको प्रहरी कार्यालय तथा फोन नं ९८४९१०५६०७ मा सम्पर्क गर्न परिवारले आग्रह गरेको छ ।
