साबित्रा पौडेल , जेठ १४ गुल्मी ।
गुल्मीमा एकापसमा मोटरसाइकल ठोकिदा दुई जना घाइते भएका छन ।
जिल्लाको रुरुक्षेत्र गाउँपालिका ४ बलेटक्सारबाट ग्वादीतर्फ जाँदै गरेको लु २६ प ६५६ नम्बरको मोटरसाइकल र धोबिघाट बाट रानीबासतर्फ आउदै गरेको लु ६९ प ३४०० नम्बरको मोटरसाइकल आइतबार साझ बम्घाको गाइफर्म नजिकै दुर्घटना हुदा दुई जना घाइते भएका हुन ।
घाइते हुनेमा लु २६ प ६५६ नम्बरको मोटरसाइकलका चालक ग्वादीका ३० वर्षिय अमृत शाही र मोटरसाइकलको पछाडि सवार ग्वादीकै ४५ वर्षिय श्यामकला दंगाल रहेका प्रहरी चौकी रानीबासले जनाएको छ ।
घाइते मध्ये चालकको श्रीङ्गा प्राथमिक स्वास्थ्य केन्द्र छत्रकोट गाउँपालिका ४ श्रीङ्गामा उपचार भइरहेको प्रहरी सहायक निरीक्षक राम सिंह क्षेत्रीले बताउनुभयो । यस्तै अर्की घाइते दंगालको श्रीङ्गा प्राथमिक स्वास्थ्य केन्द्रमा उपचारपश्चात् थप उपचारको लागि पाल्पा रिफर गरिएको छ ।
घाइतेको अवस्था अहिले सामान्य रहेको छ ।
प्रहरी सहायक निरीक्षक क्षेत्रीका अनुसार लु ६९ प ३४०० का मोटरसाइकल जनक परियारलाई नियन्त्रणमा लिइ थप अनुसन्धान भइरहेको छ ।