साबित्रा पौडेल, भदौ ९ गुल्मी ।
मजुवा गुल्मीमा खुल्ला तथा स्टेज तीज गीत प्रतियोगिता हुने भएको छ ।
हिन्दु नारीहरुको महान पर्व हरितालिका तीजको अवसरमा मजुवा प्रगतिशील आमा समूह चन्द्रकोट गाउँपालिका -८ मजुवा गुल्मीले तिज गीत प्रतियोगिताको आयोजना गरेको हो ।
खुल्ला तथा स्टेज तिज गीत प्रतियोगितामा प्रथम हुनेलाई नगद रु. ३० हजार प्रदान गरिने आमा समुहले जनाएको छ ।
यस्तै द्धितिय हुनेलाई नगद रु. २५ हजार, तृतीय हुनेलाई नगद रु. २० हजार र सान्त्वना हुने समूहलाई नगद रु. १० हजार प्रदान गरिनेछ ।
प्रतियोगिताको लागि दर्ता शुल्क नगद रु. ५ सय लाग्नेछ ।
साथै उत्कृष्ट नृत्य, अनुशासन बाध्यबादन, उत्कृष्ट भेषभूसाको आधारमा समेत पुरस्कार प्रदान गरिनेछ ।
मौलिक तीज गीतलाई प्राथमिकता दिइने र कुनै पनि राजनीतिक आक्षेप लगाउन नपाइने अध्यक्ष रेणु श्रीसले जानकारी दिनुभयो ।