साबित्रा पौडेल , जेठ १० गुल्मी ।
गुल्मीको चन्द्रकोट गाउँपालिकाले खुल्ला रक्तदान कार्यक्रमको आयोजना गरेको छ ।
गाउँपालिकाले यहीँ जेठ १५ गते एकदिने खुल्ला रक्तदान कार्यक्रमको आयोजना गरेको हो ।
१६ औं गणतन्त्र दिवस २०८१ को अवसर पारी गाउँपालिकाले खुल्ला रक्तदान कार्यक्रमको आयोजना गरेको गाउँपालिकाका अध्यक्ष युवराज खत्री क्षत्रीले बताउनुभयो ।
चन्द्रकोट गाउँपालिका गुल्मीको आयोजना, नेपाल शिक्षक महासंघ चन्द्रकोट गाउँपालिका एवं उद्योग वाणिज्य संघ शान्तिपुर र नेपाल स्वयंसेवी रक्तदाता समाज रुपन्देहीको सहकार्यमा रक्तदान कार्यक्रमको आयोजना गरिएको गाउँपालिकाले जनाएको छ ।
खुल्ला रक्तदान कार्यक्रममा रक्त संचार सेवा केन्द्र रुपन्देहीको प्राविधिक सहयोग रहने छ ।
खुल्ला रक्तदान कार्यक्रम यहीँ जेठ १५ गते गाउँपालिकाको कार्यालय शान्तिपुरमा बिहान ८ बजेदेखि दिउँसो १२ बजेसम्म संचालन हुने गाउँपालिका अध्यक्ष खत्रीले बताउनुभयो ।
गाउँपालिकामा रगतको कमि नहोस् भन्ने उद्धेश्यका साथ खुल्ला रक्तदान कार्यक्रमको आयोजना गरिएको गाउँपालिकाले जनाएको छ ।