बैशाख ११ , गुल्मी । यतिबेला गुल्मीको छत्रकोट गाउँपालिका ३ हर्दिनेटाको हटियाबजारमा भीषण आगलागी भएको छ ।
आगो लागेको स्थानमा ठुलो हावाहुरी चलेको हुनाले धेरै जोखिम रहेको हर्दिनेटाका वडा सचीव खिमलाल पन्थले जानकारी दिनुभयो ।
आगो नियन्त्रणका लागि जनप्रतिनिधि र स्थानीय जुटिरहेका र आगो निभ्याउने प्रयास भइरहेको उहाँको भनाई छ ।
आगो अहिले घर नजिकै पुगेको र हावाले गर्दा आगोले उग्र रुप लिएको गाउँपालिका अध्यक्ष रामप्रसाद पाण्डेले बताउनुभयो ।
आगलागी भएको स्थानमा जिल्ला सदरमुकाम तम्घासबाट दमकल आउने क्रममा रहेको उहाँको भनाइ छ ।
साथै उहाँले गाउँपालिकावासी सम्पूर्णमा आगो नियन्त्रणमा जुटिदिन अपिल गर्नुभएको छ ।
आगलागी भएको स्थानमा अत्यन्तै जोखिम रहेका नजिक रहनुहुने तपाईं सम्पुर्णमा आगलागी नियन्त्रणमा जुटिदिन अनुरोध गर्दछौ ।