सुदर्शन पन्थ, मंसिर ७ गुल्मी ।
श्रृङ्गीश्वर बहुमुखी क्याम्पसको २४ औँ बार्षिकोत्सव तथा साधारण सभा सम्पन्न
बहुमुखी क्याम्पस रुरु क्षेत्र गाउँपालिका ४ गुल्मीले आफ्नो २४ औँ वार्षिकउत्सव तथा साधारण सभा सम्पन्न गरेको छ।
क्याम्पसका अध्यक्ष चक्रपाणी गौतमको अध्यक्षता रहेको कार्यक्रममा प्रमुख अध्यक्ष माननीय कमल श्रेष्ठ , विशिष्ट अतिथि रुरु क्षेत्र गाउँपालिका अध्यक्ष यदु ज्ञवाली , उपाध्यक्ष मिना देवि गौतम , सम्पूर्ण वडाका वडाध्यक्ष, अक्षयकोष दाता, आजिवन सदस्य, प्राध्यापक तथा उपप्राध्यापक, विद्यार्थी, अभिभावक, सुरक्षाकर्मी तथा पत्रकारहरुको उपस्थिति रहेको थियो ।
कार्यक्रममा क्याम्पस प्रमुख राम प्रसाद श्रेष्ठ र लेखापाल कविता श्रेष्ठले वार्षिक आयव्यय तथा प्रगती प्रतिवेदन सार्वजनिक गर्नुभएको थियो।
कार्यक्रममा बोल्दै विशिष्ट अतिथि यदु ज्ञवालीले तडक भडक देखाउने भन्दा पनि कसरी क्याम्पसलाई सधैभ टिकाइ राख्न सकिन्छ भन्ने बारेमा सबैको ध्यान जान जरुरी रहेको जिकिर गर्नुभयो।
यस्तै कार्यक्रममा बोल्दै प्रमुख अतिथि कमल श्रेष्ठले यसै क्षेत्रको गहनाको रुपमा रहेको क्याम्पसमा न्यून शंख्यामा विद्यार्थी हुनु र कमै मात्र उतिर्ण हुनु लाजमर्दो भएको बताउदै क्याम्पसमा विद्यार्थी शंख्या बढाउने र शिक्षाको गुणस्तर बढाउने योजना अघि सार्नु पर्नेमा जोड दिनु भयो ।
सभाध्यक्ष गौतमले पनि क्याम्पसलाई सधैभ टिकाइ राख्न सबैको साथ र सहयोग अपरिहार्य रहेको उल्लेख गर्नुभयो ।
कार्यक्रममा विभिन्न शीर्षकमा उत्कृष्ट हुने विद्यार्थीलाई सम्मान गरिएको थियो । कार्यक्रमको बिच बिचमा विद्यार्थीहरुले नृत्य समेत प्रस्तुत गरेका थिए।
कार्यक्रमको सञ्चालन उपप्रध्यापक होमनाथ ज्ञवालीले गर्नु भएको थियो ।