जेष्ठ ८ , गुल्मी।
माध्यमिक शिक्षा परीक्षा (एसईई) २०८० को नतिजा असार दोस्रो हप्ता प्रकाशन गर्ने तयारीमा राष्ट्रिय परीक्षा बोर्ड जुटेको छ ।
बोर्डले उत्तरपुस्तिका परीक्षण कार्य अन्तिम चरणमा पुर्याएको जनाएको छ ।
बोर्डले १७ ओटा परीक्षण केन्द्रको प्राप्ताङ्क संकलन गरेको परीक्षा नियन्त्रक नन्दलाल पौडेलले जानकारी दिनुभयो ।
बोर्डले ५२ ओटा परीक्षण केन्द्रबाट उत्तरपुस्तिका परीक्षण गरिरहेको छ । त्यसमध्ये १७ओटा केन्द्रको उत्तरपुस्तिका परीक्षण गरिसकेको जानकारी उहाँको भनाइ छ ।
परीक्षामा ४लाख ६७ हजार विद्यार्थी सहभागी भएको उहाँले जानकारी गराउनुभयो ।