फाल्गुन ६ गुल्मी:
रेन्बो इङ्लिस बोर्डिङ स्कुल रुरुक्षेत्र ४ बलेटक्सार गुल्मीले बिद्यार्थीहरुलाई कपासको बत्ती कात्ने तालिम दिएको छ ।
स्कुलले बिद्यार्थीलाई पढाईसंगै जीवनोपयोगी सीप सिकाउने उद्देश्यले बिधालयमा अध्ययनरत कक्षा ४ देखी १० कक्षासम्मका बिद्यार्थीलाई तालिम प्रदान गरेको हो ।
कपासको बत्ती कात्ने तालिमले बिद्यार्थीलाई काममा केन्द्रीकृत हुन समेत सिकाउने अपेक्षा लिएको स्कुलका प्रधानाध्यापक योजन खत्रीले बताउनुभयो ।
उक्त तालिम बिद्यार्थी र अभिभावकको अनुरोधमा संचालन गरिएको थियो ।
तालिममा स्कुलका शिक्षकहरु यज्ञ प्रसाद ज्ञवाली , अन्जु खत्री , तेजमाया ज्ञवाली ,शान्ती ज्ञवाली , रामु पौड्याल , शान्ता अधिकारी र राम प्रसाद ज्ञवालीले प्रशिक्षण दिनुभएको थियो ।
यसैबीच कक्षा १ देखी ३ कक्षा सम्मका बिद्यार्थीले रुरुक्षेत्र गाउँपालिकाको नवनिर्मित प्रशासकीय भवनको अवलोकन गरेका थिए ।
