जेठ ३ , गुल्मी । गुल्मीको फलाटेमा भएको बस दुर्घटनामा एक जनाको मृत्यु भएको छ ।
कास्कीको पोखरा देखि गुल्मीको सदरमुकाम तम्घासतर्फ आउँदै गरेको लु १ ख ८१७५ नम्बरको बस गुल्मीको रुरुक्षेत्र गाउँपालिका १ फलाटेमा दुर्घटना हुँदा १ जनाको मृत्यु भएको छ ।
मृत्यु हुनेमा बसका सहचालक पाल्पाको रिब्दिकोट गाउँपालिका १ का ख्याहाका ४० वर्षका युवराज कुँवर रहेको ईलाका प्रहरी कार्यालय रिडिका प्रहरी निरिक्षक अनिल थापाले जानकारी दिनुभयो ।
गम्भिर घाइते भएका सहचालक कुँवरको पाल्पाको लुम्बिनी मेडिकल कलेज प्रभासमा उपचारका क्रममा ज्यान गएको हो ।