साबित्रा पौडेल , जेठ ३ गुल्मी ।
गुल्मीको चन्द्रकोट गाउँपालिका २ मा वडा स्तरीय पुरुष भलिबल प्रतियोगिता हुने भएको छ ।
गुल्मीको चन्द्रकोट गाउँपालिका २ धौलादिपमा यहीँ जेठ ५ देखि १० गतेसम्म वडा स्तरीय पुरुष भलिबल प्रतियोगिता , भेट्रान्स भलिबल प्रतियोगिता तथा नृत्य प्रतियोगिता हुने भएको हो ।
सनलाईट युवा समाजले आफ्नो ३० औं वार्षिकोत्सब तथा २५६८ औं बौद्ध जयन्तीको अवसरमा युवा नै समाजको मेरुदण्ड हिन भन्ने नाराका साथमा प्रतियोगिता हुने भएको हो ।
वडा स्तरीय भलिबल प्रतियोगितामा प्रथम हुने समुहलाई नगद रु. ५१ हजार मेडल , ट्रफी र प्रमाणपत्र प्रदान गरिनेछ । यस्तै द्धितिय हुनेले नगद ३१ हजार मेडल , ट्रफी र प्रमाणपत्र त्रितिय हुने खेलाडिको समुहलाइ नगद रु १५ हजार तथा शान्त्वना हुने समुहलाई नगद ८ हजार प्रदान गरिनेछ ।
प्रतियोगितामा दर्ता शुल्क नगद रु . ३५०० लाग्नेछ ।
यस्तै भेट्रान्स प्रतियोगितामा प्रथम र द्धितिय हुनेले नगद रु क्रमश: ११,००० र ५५०० तथा मेडल , ट्रफी र प्रमाणपत्र प्राप्त गर्नेछन । प्रतियोगितामा दर्ता शुल्क नगद रु . ५०० लाग्नेछ ।
भलिबल प्रतियोगिताका लागी यहीँ जेठ ५ गतेसम्म टिम दर्ता गराइसक्नुपर्ने आयोजकले जनाएको छ ।
यस्तै नृत्य प्रतियोगितामा प्रथम हुनेले नगद ५ हजार मेडल ,ट्रफी र प्रमाणपत्र पाउनेछन् । भने द्धितिय हुनेलाई नगद ३ हजार तथा तृतीय हुनेलाई २ हजार तथा मेडल , ट्रफी र प्रमाणपत्र प्रदान गरिने आयोजकले जनाएको छ ।
साथै कार्यक्रममा राष्ट्रिय तथा स्थानीय कलाकार को पनि बेजोड प्रस्तुति रहने आयोजकले जनाएको छ ।