साबित्रा पौडेल , जेठ ३ गुल्मी ।
गुल्मीको छत्रकोट गाउँपालिकामा बृहत रक्तदान कार्यक्रम हुने भएको छ ।
गुल्मीको छत्रकोट गाउँपालिका ४ दिगाममा एक दिने बृहत रक्तदान कार्यक्रम हुने भएको छ ।
रक्तदान जीवन दान हो भन्ने नाराका साथ दिगाम युवा संजाल बुटवलको आयोजनामा एक दिने रक्तदान कार्यक्रमको आयोजना गरिएको हो ।
गाउँपालिकामा रगतको अभावमा कुनै पनि नागरिकले ज्यान गुमाउन नपरोस् तथा स्वास्थ्य क्षेत्रमा अभावका रुपमा देखापर्ने रगत व्यवस्थापनमा सहजता होस् भन्ने उद्देश्यले रक्तदान कार्यक्रमको आयोजना गरिएको दिगाम युवा संजाल बुटवलले जनाएको छ ।
शिविर यहीँ जेठ १२ गते बिहान ८ बजेदेखि सुरु हुनेछ ।
शिविर आदर्श माध्यमिक बिद्यालय छत्रकोट ४ दिगाममा हुने भएकाले नजिक रहने सबैलाई रक्तदान कार्यक्रममा गइ रक्तदान गर्न युवा संजाल दिगामले जनाएको छ ।