
मंसिर २७ गुल्मी/दिपा पन्थ :
उदयशान्ति युवाक्लवको आयोजनामा चन्द्रकोट ४ शान्तिपुरमा सञ्चालित चक्रेश्वर मेलाको अवसरमा गाउँपालिकाको आयोजनामा आयोजित कृषि मेला प्रदर्शनी सम्पन्न भएको।
उक्त प्रदर्शनीमा विभिन्न १५ जना कृषकले आ-आफ्नो कृषि उपजसहित सहभागिता जनाएका थिए
जसमा विभिन्न मापदण्डको आधारमा नन्दा एकीकृत कृषि फर्मका संचालक नन्दा सुवेदीले उत्पादन गरेको सिताके च्याउ प्रथम, थापा कृषि फर्मका शंकर थापाको माछा पालन द्वितीय, टिमुरे कृषि फर्मका रूपा बोहोराले फलाएको सुन्तला जात फलफुल उत्पादन तृतिय, क्षेत्री कृषि फार्मका श्याम बहादुर क्षेत्रीले उत्पादन गरेको फुलगोवी तरकारी बाली तथा आदर्श एण्ड सुलभ कृषि तथा फशुपंक्षी फर्मका हिमकान्त गैरेले उत्पादन गरेको मुलाको उत्पादन सान्त्वना भएका थिए।

उत्कृष्ट कृषकलाई प्रथमलाई नगद रू १० हजार,द्वितीयलाई ८ हजार, तृतीयलाई ५ हजार र सान्त्वनालाई ३ हजार नगद सहित प्रमाणपत्र प्रदान गरिएको थियो ।
यस्तै अन्य सहभागी कृषकहरूलाई सहभागिताको प्रमाणपत्र प्रदान गरिएको थियो।
