साबित्रा पौडेल , पुष २५ गुल्मी ।
अर्घाखाँचीको पाणिनि गाउँपालिकामा पहिलोपटक वडा अध्यक्ष क्रिकेट प्रतियोगिता हुने भएको छ ।
“स्वास्थ्यका लागि खेलकुद राष्ट्रका लागि खेलकुद” भन्ने मुल नारका साथ यहीँ पुस २६ गतेदेखि गाउँपालिकाको वडा नं ६ धातिवाङ्गको खेलमैदान थामाका चौरमा अन्तर वडा स्तरीय “प्रथम वडा अध्यक्ष क्रिकेट कप २०८०” हुने भएको हो ।
धातिवाङ्गको आयोजनामा संचालन हुने प्रतियोगितामा पाणिनी गाउँपालिका भित्र रहेका ८ वटै वडाका खेलाडीलहरुले सहभागिता जनाउन सक्ने वडा अध्यक्ष कृष्ण प्रसाद पौडेलले बताउनुभयो ।
गाउँपालिकाको आर्थिक बर्ष २०८०/०८१ को स्वीकृत बार्षिक विकास कार्यक्रम अनुसार प्रतियोगिताको आयोजना गरिएको समेत अध्यक्ष पौडेलले बताउनुभयो ।
खेल दुई वटा समुहमा विभाजन गरी राउन्ड रोबिनको आधारमा र ICC को नियमानुसार खेलाईने पनि आयोजकले जनाएको छ ।
गाउँपालिका स्तरीय क्रिकेट प्रतियोगितामा प्रथम हुने खेलाडीको समुहलाई नगद १८,००० ट्रफी र प्रमाणपत्र तथा द्दितिय हुनेलाई नगद १२,०० प्रदान गरिने छ ।
यसैबीच विधागत पुरस्कारको समेत व्यवस्था गरिएको पनि आयोजकले जनाएको छ ।