मंसिर २०, गुल्मी
हिजो २० औं महिला सामुदायिक स्वास्थ्य स्वयंसेविका दिवस मुलुकभर विविध कार्यक्रमका साथ मनाईएको छ।
यसैबीच गुल्मीको चन्द्रकोट गाउँपालिकाले पनि “स्वास्थ्य क्षेत्रमा दिगो विकास, महिला सामुदायिक स्वास्थ्य स्वयंसेविकाको संयुक्त प्रयास” भन्ने नाराका साथ विविध कार्यक्रमको आयोजना गरि महिला सामुदायिक स्वास्थ्य स्वयंसेविका दिवस भब्यताका साथ मनाएको छ।
दिवसको अवसर पारी गाउँपालिकाले पालिका भित्र रहेका सम्पुर्ण महिला सामुदायिक स्वास्थ्य स्वयंसेविकालाई १ थान झोला, १ थान प्राथमिक उपचार बक्स वितरण गरेको छ।
साथै स्वास्थ्य संस्थाहरुबाट १/१ जना उत्कृष्ट सामुदायिक महिला स्वयंसेविका छनोट गरि सम्मान गरेको छ।
सोही अवसरमा लैङ्गकि हिंसा विरुद्धको १६ दिने अभियान अन्तर्गत सचेतनामूलक कार्यक्रम समेत सम्पन्न गरेको छ।