मंसिर १९ गुल्मी :
गुल्मीको चन्द्रकोट गाउँपालिका ४ शान्तीपुरमा यहीँ मंसिर २३ गतेदेखि २७ गतेसम्म चक्रेश्वर मेला लाग्दै छ।
उदय शान्ति युवा क्लब शान्तिपुरको आयोजनामा लाग्ने मेलामा चन्द्रकोट गाउँपालिकाले गाउपालिकाको सबै वडा बाट कृषिजन्य उत्पादनको प्रदर्शनी तथा उत्कृष्ट कृषकहरु छनोट गरि पुरस्कार दिने निर्णय गरेको छ।
गाउँपालिकाले प्रकाशन गरेको सुचना अनुसार गाउँपालिकाको कृषि विकास शाखाका स्टलहरुमा आफुले उत्पादन गरेका उत्कृष्ट कृषि उपजहरु यहीँ मंसिर २४ गते बिहान १० बजेदेखि मंसिर २७ गते दिउँसो १ बजेसम्म प्रदर्शनी गराउन सबै कृषकलाई अनुरोध गरेको छ।
प्रदर्शनीमा राखिने कृषि उपजहरु नबिग्रने तरिकाले प्रदर्शनी स्थलसम्म ल्याउन पनि गाउँपालिकाले जारी गरेको सुचनामा उल्लेख छ।
