सुदर्शन पन्थ, चैत्र १९ गुल्मी ।
गुल्मीको छत्रकोट गाउँपालिकामा भ्रष्टाचार नियन्त्रण तथा सुशासन प्रवर्द्धन सम्बन्धि स्थानीय तह स्तरीय अन्तरक्रिया कार्यक्रम सम्पन्न भएको छ।
अख्तियार दुरुपयोग अनुसन्धान आयोग कार्यालय बुटवलको आयोजनामा सम्पन्न कार्यक्रममा सभाध्यक्ष कार्यालय प्रमुख तथा सह(सचीव विनिता भट्टराई, प्रमुख अतिथि पालिका अध्यक्ष राम प्रसाद पाण्डेय, विशिष्ट अतिथि उपाध्यक्ष साबित्रा ज्ञवाली, प्रहरी नायब उपरीक्षक प्रताप पौडेल, प्रमुख प्रशासकीय अधिकृत रुद्र हरि पुरी, सम्पुर्ण वडाका वडाअध्यक्ष, कार्यपालिका सदस्य, विभिन्न विद्यालयका प्र.अ. तथा व्यवस्थापन समिति अध्यक्ष, सुरक्षाकर्मी , पत्रकार लगायतको उपस्थिति रहेको थियो ।
कार्यक्रममा प्रहरी नायब उपरीक्षक पौडेलले कार्यपत्र प्रस्तुत गर्नुभएको थियो । प्रस्तुत कार्यपत्रको आधारमा वडा नं. ४ का वडाध्यक्ष तथा गाउँपालिकाका प्रवक्ता गुणाखर ज्ञवाली , शिक्षा समिती सदस्य हुमनाथ कंडेल, लेखा अधिकृत सन्तोष जि सि, गाउँ शिक्षा समिती सदस्य एवं जन जागृती मा वि कि प्र.अ. कमला भण्डारी लगायतले बेनामी उजुरी र प्रत्यक्ष उजुरी छानबिनको प्रक्रिया, अख्तियरको समय दुरुपयोग गर्ने सजायको व्यवस्था, बहाल कर प्रणाली लगायतका बारेमा गुनासो राख्नु भएको थियो।
कार्यक्रममा पालिका अध्यक्ष पाण्डेय, उपाध्यक्ष ज्ञवाली, प्रमुख प्रशासकीय अधिकृत, प्रवक्ता गुणाखर ज्ञवाली, कमला भण्डारी लगायतले शुभकामना मन्तव्य राख्नु भएको थियो।
कार्यक्रममा उठेका प्रश्नको जवाफ दिदै सहसचीव भट्टराईले अख्तियर भन्ने बित्तिकै डराउने तर भ्रष्टाचार घरबाटै मौलाएको अहिलेको अवस्थामा सबै जना आआफ्नो ठाउँबाट लाग्नु पर्ने र कानुनको अज्ञानता क्षेम्य नहुने भएकाले आफुलाई आवश्यक पर्ने ज्ञानको खोजीमा लाग्नु पर्नेमा जोड दिनु भयो।
कार्यक्रमको सञ्चालन अनुसन्धान अधिकृत दिवाकर रिजालले गर्नु भएको थियो।