मंसिर १८, गुल्मी ।
गुल्मीको छत्रकोट गाउँपालिकाले गाउँपालिका भित्र कार्यरत महिला सामुदायिक स्वास्थ्य स्वयं सेविकाहरुलाई सम्मान गरेको छ ।
महिला सामुदायिक स्वास्थ्य स्वयं सेविका सम्मान समारोहका बिच गाउँपालिकाले आज ८६ जना महिला सामुदायिक स्वास्थ्य स्वयं सेविकाहरुलाई सम्मान गरेको हो । यस्तै प्रत्येक वडाबाट स्थानिय स्वास्थ्य व्यवस्थापन समितिको सिफारिसमा ६ जना स्वास्थ्य स्वयं सेविकाहरुलाई पनि सम्मान गरिएको छ ।
पालिका स्तरिय महिला सामुदायिक स्वास्थ्य स्वयं सेविका समितिकी अध्यक्ष साबित्रा ज्ञवालिको अध्यक्षता रहेको कार्यक्रममा गाउँपालिका अध्यक्ष राम प्रसाद पाण्डे, स्वास्थ्य कार्यालयकी प्रमुख पुस्पा थापा, स्वयं सेविका सिता भण्डारी, सामाजिक विकास समिती गुणाकर ज्ञवालिले मन्तव्य राख्नुभएको थियो ।
कार्यक्रमामा गाउँपालिका अध्यक्ष पाण्डेले सरकारको दिगो विकासको लक्ष्य र स्थानिय सरकारको निती अनुरुपको लक्ष्य प्राप्त गर्न कृयाशिल स्वयं सेविकाको भूमिका महत्त्वपूर्ण रहेको बताउनुभयो । यस्तै स्थानीय सरकारले देशमै पहिलो पटक संचालन गरेको ६० बर्ष उमेर पछि अनिवार्य अवकास हुने स्वयं सेविकालाइ निवृत्तिभरण कार्यक्रमको सुरुवात गरेको र महिला स्वास्थ्य स्वयं सेविकाको सिप दक्षतामा वृद्दि गर्न गाउँपालिकाले भ्रमण तालिम लगायतका कार्यक्रम संचालन गर्ने बताउनुभयो ।
महिला सामुदायिक स्वास्थ्य स्वयं सेविका कार्यक्रम बारे स्वास्थ्य शाखा प्रमुख पोखरेलले जानकारी गराउनु भएको कार्यक्रमको संचालन सि.अ.हे.व.सपना टण्डनले गर्नु भएको थियो ।
कार्यक्रममा स्थानिय, राजनैतिक पार्टिका प्रमुख, प्रतिनिधि तथा स्वास्थ्यकर्मीहरु लगायतको उपस्थिति रहेको थियो ।