साबित्रा पौडेल, मंसिर ६ गुल्मी ।
गुल्मीको छत्रकोट गाउँपालिकामा हिजोदेखी सञ्चालन भइरहेको एकीकृत घुम्ती शिविरको दोस्रो दिन आज मानकोटमा शिविर सञ्चालन भएको छ ।
मानकोटमा सम्पन्न शिविरमा आज ४० जना नागरिकले सेवा लिएका छन ।
जसमध्ये ३ जनाले योजना सम्झौता गरेका छन भने १५ जनाले ज्येष्ठ नागरिक परिचय पत्र बनाएका छन । यस्तै ७ जनाले अपाङ्गता परिचय पत्र बनाउदाँ २२ जनाले अपाङ्गता परिचय पत्र नविकरण गरेका छन ।
हिजोदेखी सुरु भएको शिविर यही मंसिर १२ गतेसम्म गाउँपालिकाका सबै वडामा सञ्चालन हुनेछ ।
शिविरको तेस्रो दिन भोली ३ नं वडा कार्यालय हर्दिनेटामा शिविर सञ्चालन हुने गाउँपालिकाका प्रमुख प्रशासकिय अधिकृत वीर बहादुर पुनले बताउनुभयो ।
यस्तै चौथो दिन मंसिर ९ गते दिगाममा शिविर सञ्चालन हुनेछ भने पाचौँ दिन मंसिर ११ गते पल्लिकोटमा र छैटौँ दिन मंसिर १२ गते हुगाँमा शिविर सञ्चालन गरी शिविरको समापन गरिने गाउँपालिका उपाध्यक्ष साबित्रा ज्ञवालिले जानकारी दिनुभयो ।
शिविरमा अपाङ्गता परिचयपत्र तथा ज्येष्ठ नागरिक परिचयपत्र वितरण, योजना सम्झौता, व्यसाय दर्ता तथा नविकरण, टोल विकास संस्था दर्ता लगायतका विविध सेवाहरु उपल्ब्ध गराइएको छ ।