केशब पन्थी,चैत ११ अर्घाखाँची ।
जिल्ला स्वास्थ्य कार्यालय अर्घाखाँचीको आयोजनामा विश्व क्षयरोग दिवस २०८० को अवसरमा स्वास्थ्यकर्मी तथा पत्रकारहरुसंग अन्तरक्रिया कार्यक्रम गरेको छ।
कार्यक्रममा जिल्ला अस्पताल अर्घाखाँचीका डाक्टर अशोक शाहाले क्षयरोग सर्ने तरिका,परिक्षण,निदान र उपचारको बारेमा जानकारी गराउनु भएको थियोे। कार्यक्रममा क्षयरोगको अहिलेसम्मको आँकडा बारेमा जिल्ला स्वास्थ्य कार्यालयका क्षयरोग नियन्त्रण कार्यक्रम ड्टस फोकल पर्सन बिजय बरालले प्रस्तुत गर्नुभएको थियोे।
कार्यक्रममा पत्रकार महासंघको तर्फबाट बोल्दै सह-सचीव हृदय भुसालले क्षयरोग नियन्त्रणमा सबै मिलेर लाग्नुपर्नेमा जोड दिनुभएको थियो। कार्यक्रम जिल्ला स्वास्थ्य कार्यालय अर्घाखाँचीका कार्यालय प्रमुख शिव नेपालीको अध्यक्षता र विजय बरालको संन्चालनमा सम्पन्न भएको थियो।
