चैत ६, गुल्मी ।
प्रतिनिधिसभाको बैठक आज बस्दैछ । आजको बैठकमा प्रधानमन्त्री पुष्पकमल दाहालले सांसदहरूले उठाएका प्रश्नहरुको जवाफ दिनु हुनेछ ।
आज मंगलबार बिहान ११ बजे बस्ने बैठकमा प्रधानमन्त्री दाहालले सांसदले सोधेका प्रश्नहरुको जवाफ दिनु हुने भएको हो ।
संसद् सचिवालयमा सांसदहरूले पहिले नै प्रश्न टिपाउनु पर्छ । संसद् सचिवालयबाट स्वीकृत प्रश्न मात्रै सांसदले प्रधानमन्त्रीलाई सोध्न पाउने व्यवस्था छ ।
राष्ट्रिय सरोकारका समसामयीक विषयमा प्रत्येक महिनाको पहिलो साता प्रधानमन्त्रीलाई प्रश्न सोध्न पाउने व्यवस्था रहेको छ । यसै अनुसार गत फागुन ६ गते पनि प्रधानमन्त्री दाहालले सांसदका प्रश्नहरुको जवाफ दिनुभएको थियो ।