साबित्रा पौडेल, चैत ५ गुल्मी ।
प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्ड गुल्मीको रुरुक्षेत्र गाउँपालिकामा आउने कार्यक्रम स्थगित भएको छ ।
प्रधानमन्त्री प्रचण्डले स्थानीय तह स्थापना दिवसको अवसरमा फागुन २७ गते गाउँपालिकाको प्रशासकीय भवन उद्घाटन गर्ने कार्यक्रम रहेको र फागुन २९ गते राष्ट्रिय सभाको अध्यक्ष पदको निर्वाचनका लागि स्थगित भएसङ्गै उहाँ चैत ६ गते गुल्मी आउने कार्यक्रम तय भएको थियो ।
प्रधानमन्त्री प्रचण्डले यहीँ चैत ६ गते मंगलबार रुरुक्षेत्र गाउँपालिकाको प्रशासकीय भवन उद्घाटन गर्ने कार्यक्रम थियो । तर उहाँको आफ्नै कार्यब्यस्तताका कारण चैत ६ गते अर्थात भोलि रुरुक्षेत्र गाउँपालिकामा आउने कार्यक्रम स्थगित बनेको रुरुक्षेत्र गाउँपालिका अध्यक्ष यदु ज्ञवालीले जानकारी दिनुभयो ।
प्रधानमन्त्री प्रचण्ड नआउने भएपछि प्रशासकीय भवनको उद्घाटन कार्यक्रम स्थगित गरिएको गाउँपालिकाले जनाएको छ ।