चैत ४, गुल्मी ।
गुल्मीमा एक घर गोठमा आगलागी हुँदा झण्डै ४ लाख भन्दा बढीको क्षति भएको छ ।
मुसिकोट नगरपालिका वडा नं ४ गजुङका कणर् बहादुर मगरको खरले छाएको गोठ र घरको बरण्डामा शनिवार दिउँसो आगलागी भएको हो ।
आगलागीबाट गोठ संगै गोठमा रहेका घाँस, दाउरा लगायतका सामाग्री पूणर् रुपमा जलेर नष्ट भएका छन् । त्यस्तै २ वटा बाख्राको जलेर मृत्यु भएको वामी प्रहरी चौकीका ईन्चार्ज वरिष्ठ सई लक्ष्मण विश्वकर्माले जानकारी दिनुभयो ।
आगो निभाउने क्रममा मगरका भान्जा २१ वर्षीय सागर थापा घाईते भएका छन् । उनको जिल्ला अस्पताल तम्घासमा उपचार भईरहेको छ । गोठमा कुँडो पकाउने क्रममा आगलागी भएको बताईएको छ । गोठबाट सल्किएको आगो घरमा समेत पुगेको थियो ।
आगलागीबाट घरको बरण्डामा समेत क्षति पुगेको प्रहरीले जनाएको छ ।