साबित्रा पौडेल / गुल्मीको सत्यबती गाउँपालिका ७ जुनियामा खेलकुद तथा बृहत साँस्कृतिक कार्यक्रम हुने भएको छ।
बिसौनी युवा क्लबको आयोजनामा वडा स्तरिय खुल्ला भलिबल प्रतियोगिता,ब्याडमिन्टन प्रतियोगिता तथा बृहत साँस्कृतिक कार्यक्रम लगायत अन्य विबिध प्रतियोगिताहरु हुने भएको हो ।
कार्यक्रम चिदीपानी माध्यमिक विधालयको प्राङ्गणमा यहीँ कार्तिक १४ गतेदेखि १८ गतेसम्म हुन लागेको खेल संयोजक नारायण शाहीले बताउनु भयो।
खुल्ला वडा स्तरीय भलिबल प्रतियोगिताको लागी प्रथम हुनेले नगद ५०,०००, द्दितिय हुनेले नगद ३०,००० तृतीय हुनेले नगद २०,००० र सान्त्वना हुनेले नगद १०,००० प्राप्त गर्नेछन, भने ब्याडमिन्टन प्रतियोगिताको लागि प्रथम,द्दितिय र तृतीय हुनेलाई क्रमशः नगद १०,००० ५,००० र ३,००० प्रदान गरिने क्लबका अध्यक्ष कृष्ण हमालले जानकारी दिनुभयो।
यसैगरी भेट्रान्स प्रतियोगिताको लागि बोका,मेडल र प्रमाणपत्र प्रदान गरिने छ।
यसैबीच सांस्कृतिक कार्यक्रमको लागि स्थानीय लतथा राष्ट्रिय कलाकारहरुको बेजोड प्रस्तुति रहने कार्यक्रम संयोजक सुरज परियारले बताउनु भयो।
बृहत सांस्कृतिक कार्यक्रमको लागि कलाकारहरु रामजी खाण,नारायण बि.पी,बाल गायिका रविना बसेल, डान्सर नवीना धिताल लगायत अन्य कलाकार हरुको साथमा स्थानीय कलाकारको बेजोड प्रस्तुति रहने छ।
साथै, खुल्ला वडा स्तरिय भलिबल,ब्याडमिन्टन तथा साँस्कृतिक कार्यक्रमको अन्तिम दिन उद्घाटन समारोह हुने कार्यक्रम संयोजक परियारले बताउनुभयो।