साबित्रा पौडेल , माघ १० गुल्मी ।
बागलुङको बरेङ्गमा वडा स्तरिय पुरुष भलिबल प्रतियोगिता हुने भएको छ ।
सिमाना युवा क्लब बरेङ्ग गाउँपालिका ५ सुखौरा बाहुनडाँडाको आयोजनामा प्रतियोगिता हुने भएको हो ।
क्लबले आफ्नो २१ औं बार्षिकोत्सवको अवसर पारी यहीँ माघ १६ गतेदेखि सुरु हुने प्रतियोगितामा वडा स्तरीय पुरुष भलिबल प्रतियोगिताका साथै भुपु भलिबल प्रतियोगिता , बीच भलिबल प्रतियोगिता, महिला रस्सा कसी एवं पुरुष रस्सा कसी प्रतियोगिता, एकल नृत्य प्रतियोगिता घैटो फोड प्रतियोगिता तथा जुत्ता चिन्ने प्रतियोगिता संचालन हुनेछन ।
प्रतियोगीमा उत्कृष्ट हुने समूह तथा ब्यक्तिलाई उचित पुरस्कारको समेत व्यवस्था गरिएको छ ।
आफ्नो गाउँ आफै बनाउ भन्ने नाराका साथ १६ गतेदेखी संचालन हुने प्रतियोगिता माघ २० गते सम्म चल्नेछ ।