केबी डान्स बुटवल र मनकामना युवा क्लव मैदान अर्घाखाँचीको आयोजनामा पाणिनि डान्स एण्ड सिन्गिंग आईडियल २०२४ को ग्राण्ड फिनाले हुने भएको छ।
कार्यक्रम पौष २८ गते बिहान १० बजेदेखि शुरु हुने आयोजकले जनाएको छ। ग्राण्ड फिनाले कार्यक्रम पाणिनी गाउँपालिकाको खेलमैदान बराहरुख दुर्गाफांटमा हुने छ।
कार्यक्रममा राष्ट्रिय ख्याति प्राप्त कलाकार खुमन अधिकारि ,बसन्त लम्साल ,अप्सरा सुनार ,भुवन खड्का होस्ट तथा गायक दिपु मगर लगायत स्थानीय कलाकारहरुको उपस्थितिमा बिजोड प्रस्तुति रहने छ।
कार्यक्रमको मिडिया पार्टनरमा अर्घाखाँचीबुलेटिन डटकम र पाणिनी न्युज डटकम रहेका छन्। कार्यक्रमको मुख्य आयोजक केबी डान्स बुटवल रहेको छ भने सह ( आयोजक मनकामना युवा क्लव मैदान अर्घाखाँची रहेको छ।