साबित्रा पौडेल,पौष २२ गुल्मी ।
गुल्मीको रुरुक्षेत्र गाउँपालिकामा प्रहरी चौकीको औपचारिक रुपमा स्थापना भएको छ ।
गाउँपालिकाको वडा नं ४ रानिबासमा स्थापना भएको चौकीको आजबाट सेवा प्रवाह शुरूवात भएको गाउँपालिकाले जनाएको छ ।
गाउँपालिकामा थप शान्ति सुरक्षा कायम गर्न र आपराधिक क्रियाकलापमा कमी ल्याउन प्रहरी चौकीको स्थापना गरिएको गाउँपालिकाका अध्यक्ष यदु ज्ञवालीले बताउनुभयो ।
साबिकको बलेचौर प्रा.बि.भवन रानिबासमा स्थापना भई संचालनमा आएको चौकीमा राम सिंह क्षेत्री कार्यालय प्रमुखमा नियुक्त हुनुभएको छ ।
योसङ्गै रुरुक्षेत्र गाउँपालिकामा दुईवटा प्रहरी चौकी संचालनमा आएका छ्न ।