पौष १७,गुल्मी
गुल्मीको रुरुक्षेत्र गाउँपालिका १ रिडीमा गङ्गा आरती( गण्डकी आरती) हुने भएको छ ।
चारधाम मध्येको एक धाम रुरुक्षेत्र धाम रिडी गुल्मीमा अब देखि गङ्गा आरती ( गण्डकी आरती) हुने भएको हो ।
रुरुक्षेत्रका विभिन्न संघ सस्था ,उद्योगी,ब्यापरी,समाजसेवी ,लागाएत भेलाले रुरुक्षेत्रमा गङ्गा आरती गर्ने निर्णय गरेको हो ।
जसको लागी समाज सेवी तारा चन्द्र भट्टराईको अध्यक्षता तथा चिरनजिवी ज्ञवाली सचिव रहने गरी २७ सदस्य आरती मुल व्यवस्थापन समिती गठन भएको छ । साथै उक्त कार्यको केही कामहरु अघि बढिसकेको र यो पवित्र कामले सबैको आकर्षक स्थलको रूपमा रिडी विकसित हुने समेत वडा अध्यक्ष नवराज बिकले जानकरी गराउनु भयो ।
गुल्मी,पाल्पा र स्याङ्जाको सँगम स्थल रिडी गुल्मीमा रुरुक्षेत्रधाम रिडीमा माघे सक्रान्ती देखी १ हप्ता सम्म भारतको वनारसबाट गुरु बोलाई रिडीका गुरुहरुलाई सिकाउने र त्यसपछि निरन्तर गण्डकी आरति हुने सचीव चिरन्जिवी ज्ञवालीले बताउनुभयो ।
आवस्यक आर्थिक लगायतको ब्यबस्थापनका लागि आर्थिक संकल नगर्ने कार्य भईरहेको र दैनिक गराउने परिकल्पना भएको आरती समितीका अध्यक्ष तारा चन्द्र भट्टराईले जानकारी दिनुभयो ।
यसैबिच आरती मुल व्यवस्थापन समितीको तत्काल बैठक बसि अन्य कार्ययोजना तय गरि माघ १ गते देखि गङ्गा आरती सुरु हुने जनाएको छ ।हिन्दु धर्ममा आरती पूजा अर्चनाको एउटा विधि हो । आरतीमा बलिरहेको दीपक वा आरतीको थाली आराध्य समक्ष एक विशेष विधिले घुमाउने गरिन्छ । आरतीको टुकी घ्यू वा तेलको दियोको हुन सक्छ वा कपुरबाट बनाइएको हुन्छ ।
यसमा वैकल्पिक रूपबाट घ्यू, धूप तथा सुगन्धित पदार्थहरूको पनि मिश्रण गरिएको हुन्छ । यसका साथै सङ्गीत (भजन) तथा नृत्य पनि गर्ने गरिन्छ । मन्दिरहरूमा बिहान, बेलुका एवम् राती द्वार बन्द हुनुभन्दा अगावै आरती हुन्छ ।
साँचो अर्थमा यसको उद्देश्य ईश्वरप्रति आफ्नो समर्पण वा प्रेम दर्शाउनु हुन्छ ।