साबित्रा पौडेल, पुष ७ गुल्मी।
पाल्पाको निस्दी –३ मा घरमा आगलागी हुँदा एक बालिकाको मृत्यु भएको छ ।
झिरुबासस्थित आज मध्यान्ह १२ बजेतिर खरले छाएको एक घरमा आगलागी हुँदा स्थानीय टोलबहादुर पल्लीको नौ महिने छोरी दिप्सना पल्लीको मृत्यु भएको हो।
आगलागिमा परेर स्थानीय श्यामबहादुर पल्लीको घर जलेर नष्ट भएको छ । घरमा आगलागी हुँदा मृतक बालिकासहित दुई छोरा रहेको बताइएको छ ।
घरमा के कारणले आगलागी भएको हो भन्ने नखुलेको र घटनाबारे थप विवरण आउन बाँकी रहेको प्रहरीले जनाएको छ ।