कार्तिक १३, अर्घाखाँची ।
झिलिमिलि दीपको पर्व भनिने नेपालीहरुको दोस्रो ठूलो चाड तिहार अर्थात यमपञ्चकको दोस्रो दिन आज कागको पूजा गरिएको छ।
काग तिहारको अवसरमा हास्यकलाकार तथा सञ्चारकर्मि भुवनेश्वोर अधिकारिद्वारा “आठौ बृहत् ‘काग सम्मेलन’ २०८१ सम्पन्न गरिएको छ ।
आयोजित “आठौ बृहत् ‘काग सम्मेलन’ २०८१ आज रेडियो श्रीङ्गेश्वर एफएम सहित देशभरका रेडियो एफएम स्टेसन बाट प्रसारण गरिएको थियो ।
यमपञ्चकको दोस्रो दिन काग तिहारका अवसरमा आज बिहान काग बोलाएर आठौ काग सम्मेलन गरिएको हो ।
सम्मेलनमा अधिकारिले विभिन्न एफएम रेडियो स्टेसनको छतमा राखिएको स्पिकर बाट कागको स्वर निकालि कराउदा कागलाई एकै ठाउँमा जम्मा पारेको दृश्य आसपासका जनसमुदायहरुले रमाइलो गरि अवलोकन समेत गरेका थिए ।
अधिकारिले विगत ८वर्षदेखि काग तिहारका अवसरमा रेडियो बाट काग सम्मेलन गर्दै आएका छन् ।
अधिकारीले यस वर्षको काग सम्मेलनको सन्देश देशमा राजनिती स्थिरता छाइ युवाहरू बढदो वैदेशिक यात्रापलायन रोकि देशमै रोजगारीको अवस्था सिर्जना होस र सुखी नेपाल समृद्ध नेपाल बनोस, देशको दिनप्रतिदिन ओरालो लागिरहेको निराशाजनक राजनैतिक अवस्था र महङगि भ्रष्टाचारको विरुद्धमा काग सम्मेलन गरेको बताएका थिए ।