पाल्पा मङ्सिर १३ गते ।
निस्दी गाउँपालिकाले एकसय सात स्थानमा स्वचालित सडक बत्ती जडान गरेको छ ।
पालिका भित्रको सार्वजनिक स्थलमा बत्ती जडान गरिएको निस्दी गाउँपालिकाका प्रवक्ता मेखबहादुर सुनारीले जानकारी दिनुभयो ।
उज्यालो निस्दी कार्यक्रम अन्तर्गत पालिकाको मुख्य स्थानमा स्वचालित सडक बत्ती जडान गरेको हो ।
आर्थिक वर्ष २०८०–८१ मा उज्यालो निस्दी कार्यक्रमका लागि पालिकाले विनियोजन गरेको १० लाख र वडा ६ को २ लाख गरी १२ लाखको लागतमा स्वचालित बत्ती जडान गरिएको हो ।
