मंसिर ११, गुल्मी।
काठमाडौंको गौशालामा आज दिउँसो दुर्गा प्रसाईं पक्ष र प्रहरीबीच झडप भएको छ।
गौशाला चोकमा प्रदर्शनको क्रममा प्रहरी र प्रसाईंपक्षबीच आज धकेलाधकेल भएको हो। प्रदर्शनमा प्रसाईं पनि पुगेका थिए।
प्रदर्शनकारीहरूले गौशाला चोकमा बाटो बन्द गरेर आमसभा गर्न खोजेपछि प्रहरीसँग झडप भएको हो।
प्रहरीले प्रदर्शनकारीलाई तितरबितर पारेको छ भने केही व्यक्तिलाई नियन्त्रणमा लिएको छ।
मेडिकल व्यवसायी दुर्गा प्रसाईंको आह्वानमा मंसिर ७ गतेदेखि काठमाडौंका विभिन्न ठाउँमा प्रदर्शन भइरहेका छन्।
प्रदर्शनकारीलाई प्रहरीले हस्तक्षेप गरेपछि प्रसाईंले सम्बोधन गर्न पाएका छैनन।